كوكو والتاريخ ومسدس المياه

اولا سلامى ليكم:الموضوع طويل شوية بس لذيذ
طبعا كلنا عارفين ان نظام التعليم فى مصر احسن نظام تعليم فى العالم ولا بيكره الطالب فى نفسه ولا اى حاجة وحشة من دى لا سمح الله تعالوا بقى نستعرض
حصة من درس ونقلك مدى تفاهة تعليمنا واساتذتنا
فى البداية يدخل الاستاذ الى العيال مسمينوه القرموطى عشان طريقة كلامه زيه
الاستاذ: يلا هات الكتاب والكراسة يابنى
الطالب ايوا هاجيب اهو
الاستاذ يفتح الكتاب والكراسة بثقة ويشاور على صورة قائلا: عارف يابنى ده مين؟؟


الطالب: ده توت عنخ امون؟؟؟
الاستاذ: توت؟؟؟ مانت فاشل اصلا وانت هتعرفه منين انت تعرف تاريخ بلدك انت؟
الطالب: ده مين يااستاذ؟؟؟
الاستاذ بتحسر: ده كوكو الثالث عشر يابنى يا حبيبى تعرف اخترع ايه؟؟؟؟؟
الطالب:العجلات الحربية؟؟؟؟صح؟
الاستاذ:وعايز تنجح؟ياعم روح اشتغل حلاق احسن
ثم اضاف: عنوان الوحدة كوكو الثالث عشر والمسدس المائى يبقى اخترع ايه ياغبى؟؟؟
الطالب:: اخترع المياه يااستاااااااااااااااااذ صح؟؟؟
الاستاذ: ولا انت نافع اخترع المسدس المياه ياحمار
الطالب معلش يااستاذ اشرح بقى
الاستاذ:ولد الملك كوكو الثالث عشر (ده وهو صغير) فى طيبة عام 2001 ق.ا
الطالب مقاطعا الاستاذ: ق.ا يعنى ايه ياااستاذ؟؟؟
الاستاذ:لا بقى مش هعرف اكلم كلمتين على بعض؟؟؟؟ ق.ا يعنى قبل اختراع مسدس المياه خلاص؟ اكمل
الطالب:اتفضل يا عسل بس ممكن اسال سؤال؟؟؟
الاستاذ: اللهم طولك ياروح قول ياعمى
الطالب: التاريخ ده يتحفظ؟؟؟؟
الاستاذ: لا انا جايبه من بيتنا كان محطوط تحت السرير ايوا ياخويا يتحفظ ممكن يجى يقلك اكمل
ولد الملك كوكو الثالث عشر عام...... وده عليه درجة يعنى نص فى المية يعنى توديك من طب لتجارة
الطالب: انا ادبى يااستاذ ايه الى جاب طب هنا؟؟؟
الاستاذ: بس يالا انت اش عرفك وضربه الاستاذ بالعصاية
طيب سؤال يا استاذ ده سؤال عقلى بقى.. هل كوكو ده قريب الولا صاحبنا كوكو(..حذفت للرقابة..)؟
الاستاذ: اااه ياخلبوووص سؤال عقلى جاوب بقى
الطالب: متهيالى يا استاذ مش قريبه عشان الملك كوكو ده عمل انجازات اما كوكو بتاعنا معملش حاجة
الاستاذ: وعايز تنجح؟؟؟؟ ده انت فاشل ممكن يجيلك السؤال ده علل: كوكو ال13 قريب كوكو(حذفت للرقابة) بتاعنا؟؟؟
تقوم تجاوب وتقول لا لان ده تشابه اسماء بس...فهمت ياابا؟؟؟
الطالب :يوا خلاص
الاستاذ:المهم ياعمى جينا لسنة 2009 ق.ا ودخل الميوس مصر واحتلوها ماعدا طيبة
الطالب مقاطعا : مين الميوس دول؟؟؟؟ دو ولاد عم الهكسوس؟؟؟
الاستاذ: مانت غاششها من الكتاب ايوا ياخويا ولاد عمهم
الطالب: طيب التاريخ ده يتحفظ صح؟؟؟؟
الاستاذ: لا ده معلومة اثرائية بره المنهج المنهج اتعدل السنة الى فاتت وحبوا يخففوه عليكم فا شالوا التاريخ ده...يعنى احمد ربنا تخيل لو المنهج لسه بالتاريخ ده كان المنهج بقى كبير اازاى
الاستاذ مستكملا:دخل الميوس مصر ياعم وهزموا الجيش المصرى هزيمة سااحقة وده بفضل ايه؟ ممكن يجيلك سؤال: علل: هزم الميوس فى اول الامر المصريين هزيمة ساحقة؟
تقوم تجاوب:1- لان الجيش المصرى كان بيلعب بلياردو ومكنش فاضى
2- ودى الاهم انهم دخلوا باسلحة جديدة على المصريين وهو المسدس المياه
والسؤال ده جه كزا مرة فى 53 و 67 و 73
الطالب: هو انت كنت عايش فى 53 يااستاذ؟؟؟
الاستاذ: بقى ده سؤال يا قليل الادب. انت بتكلم واحد اد جدك السادس عشر يابنى
الاستاذ تانى: المهم بقى كوكو شاف كده لا لا بقى لازم اخترع حاجة انا كمان.. اعد كوكو الثالث عشر يفكر طويلا فى حجرة نومه ازاى يعمل حاجة متطورة يحارب بي..
الطالب مقاطعا: الى هو المسدس المياه؟؟؟
الاستاذ: امال يعنى المسدس الخرز؟؟؟ متصحى معايا ياعم
الطالب: معلش كنت بشوفك صاحى ولالا ده برضه ذكاء طالب
الاستاذ: والله لا اقول لابوك ابنك بيشاغب ومش نافع
الطالب: لا خلاص والنبى متقولوش هالتزم خلاص
الاستاذ: المهم يابنى الملك كوكو الثالث عشر قال لازم اعمل حاجة جديدة فى مسدس المياه تعمل ايه ياكوكو تعمل ايه؟؟ ايه؟ ايه؟؟؟ وهو اعد فى الحمام قال وجدتهااااااااا
الطالب: لقى ايه؟؟؟ الليفة يااستاذ؟؟؟
الاستاذ: ليفة؟؟؟ لقى الفكرة بتاعت المسدس ياغبى لقى انه يحط مياه نار فى المسدس بدل المياه العادية بس واجهته مشاكل
يجيلك سؤال علل: واجه كوكو الثالث عشر مشاكل فى صناعة المسدس؟؟
تقوم تجاوبه ازاى شوف بقى اشرحلك الاول: كوكو كل ماييجى يحط المياه فى المسدس الخشب يمص المياه وبكده مينفعش يضرب بالمسدس
يجيلك سؤال تانى كيف تغلب على هذا؟؟؟
الاجابة: انه وضع مادة تاسع فورمات الكرتينيوم مع المياه عشان الخشب ميمتصهاش شايف شايف ياض ده يدل على مدى التقدم العلمى الى وصل ليه القدماء المصريين زمان عرفوا ان الخشب بيمتص المياه
يجيلك سؤال وضح بالادلة تقدم المصريين فى العلوم تجواب تقول اييييه؟؟؟
الطالب: انهم اكتشفوا ان المياه بتمتص الخشب
الاستاذ: كده تاخد نص الدرجة نموذج الاجابة بينزل بالحتة دى ولازم تقول مادة تاسع ورمات الكرتينيوم
الطالب: طب مينفعش نحط ثانى امسيد الكرتون؟؟؟
الاستاذ: ييييييييييييه اقوم امشى يابنى؟؟؟
الطالب : لا خلاص خلاص اخر مرة طب نكتب معادلة هنا؟؟؟
الاستاذ: لا يا خفيف ملغية من عليكوا
الاستاذ : نيجى للحظة الحاسمة بقى وهى اننا هنجرب المسدس جه يجرب المسدس ياعم قام مجربه على نفسه مما ادى الى حرق....... حرق وشه
طب يجيلك سؤال مالنتائج المترتبة على حرق وشه؟؟؟؟
تقوم تجاوب ازاى بقى: تقول:1- مامته ضربته بالشبشب وخلى بالك كان شبشب بصابع ودى مهمة
2- ابوه حرمه من المصروف لمدة شهر
3- ادى الى تطوير المسدس لكى يضرب للامام بفاعلية كبيرة
ودخل ياعم الحاج كوكو والجيش المصرى وتش تش تش رزعوا الميوس علقة ماكلهاش خروف فى مطلع وانتصرت الذات المصرية المخلدة بفضل الملك كوكو وخلى بالك هنا حتة مهمة ان جد حسنى مبارك السابع عشر كان صاحب اول ضربة مائية ودى بتيجى كل سنة فى الامتحان
شايف شايف الملك كوكو اخترع المسدس المياه وهو عنده 9 سنين مش انت شحط عندك 16 سنة ومش عارف حاجة ولا عارف تطبخ كوسة حتى ناكلها

zoro_119
الطالب: اشمعنى الكوسة يااستاذ؟؟؟
الاستاذ: وانت مالك ياقليل الادب
عدت الايام والسنييييييين ووصلنا لعمك عرابى وهنحكى حكايته اختصار عشان ورايا مجموعة تانية
الطالب فى عقل باله: فى ستين داهية خنقت امى
الاستاذ: عارف عرابى قال جملة ايه؟؟؟
الطالب: لا
الاستاذ: مانت فاشل عرابى قال: لم يخلقنا الله مسدساتا ولا عقارا ولو نورث بعد اليوم وقام مطلع المسدس المياه من جيب امه و.....
الطالب: جيب امه؟؟؟؟

zoro_119
الاستاذ: ايوا جيب امه وده سؤال عقلى بييجى فى الامتحان ازاى طلع عرابى المسدس من جيب امه؟؟
واستئنف الكلام بطريقة القرموطى: هااااااا جاااااااوب؟؟
الطالب: لا دى صعبة دى
الاستاذ: اشوفك انت وامك مشحططين فى شركة المياه
اقلك يامتخلف طلعه من جيب امه ازاى

zoro_119
ام عرابى قبل ماتموت سابتله جلابية ليها قام اخد الجيب بتاعها وخيطه فى البدلة بتاعتها وبذلك يبقى لما يطلع المسدس من الجيب يبقى طلع من جيب امه فهمت؟؟
الطالب: اااااااااه لا حتة عقلية جامدة(ياعم قوم امشى بقى)
الاستاذ: بتبرطم بتقول ايه يالا؟
الطالب: ولا حاجة يااستاذ
الاستاذ: يجيلك سؤال ماهى التطويرات التى دخلت على المسدس المياه فى عصر عرابى
تقوم تقله:يمتاز بسعة للمياه اكبر- اكثر مرونة- له دقة فى التصويب
الطالب: هو ايه ده ؟؟

zoro_119
الاستاذ: هيكون ايه يعنى؟؟؟ المسدس يابنى
الطالب: ااااااه طيب ماشى.... طب وده فكرة عمله ايه يااستاذ؟؟؟؟
الاستاذ: محذوفة من عليكم ياعم مش بقلك خففوا المنهج.........الحصة الجاية هاسمع كل ده بالكلمة ونكمل عرابى وسعد والناس دى وبالعصااااااااية لو مجاوبتش
الطالب: طيب ماشى
ومشى الاستاذ والى اللقاء فى الحصة الجاية
وتقبلوا تحياتى

يوميات الحزب الواطى المطاطى!!

Official site of ahmed helmy

www.a7med7elmy.com

اليوم الاول


المكان: القاهرة فى مكتب احد المسؤولين
الزمان:وقت محدش يعرفه


يجلس المسؤول(سعيد بلاطة) على كرسى مكتبه يتحرك يمينا ويسارا وخلفه كريستين(الى بتعمله المساج بعيد عنكم) واضعا قدميه بحذائه اللامع على مكتبه يدخن سيجارا ومن خلفه صورة الريس وفجأة يرن جرس الهاتف (ترن ترن)............

تأتى السكرتيرة متلهفة يافندم يافندم وتهمس فى اذنه فينتفض المسؤول من جلسته ويمسك بالهاتف حتى انه مسك السماعة (بالمقلوب) قائلا: ايوا..... ولكن قاطعه المتحدث قائلا:هسس قولى يافندم وخلاص

بلاطة: ايوا ايوا يا فندم تحت امر معاليك

zoro_119
الاخر: عارف يا بلاطة انت من الرجالة الى فى البلد الى انا معتمد عليهم جدا

بلاطة: طبعا طبعا يافندم ثم استكمل قائلا: اكيد عايزين مستثمر يشترى بنك القاهرة

الاخر ضاحكا ضحكة ساخرة: بنك قاهرة ايه ياعم مخلاص بححح الاخ الشقيق من البلاد الشقيقة(كوهين عزرا) خلاص هيشيل

بلاطة: الحمد لله يافندم انا عارف ان بنك القاهرة كان حمل وهينزاح من على سيادتكم واكيد ده فى مصلحة البلد

zoro_119
الاخر ضاحكا مرة اخرى ساخرا:مصلحة بلد ايه يا بلاطة انت هتعملهم عليا ماحنا دافنينه سوا عايز ايه؟؟؟

بلاطة:مينفعش تطلعنى طلعة جامدة كده يافندم بدل الاخ نطيف ولا حاجة

الاخر: هاهاهاهاهاهااااااااااااااى طماع طماع يا بلاطة هحاول هحاول متقلقش حقك محفوظ المهم انا عايز فى موضوع اهم من كده

zoro_119
بلاطة: ايوا سيادة معاليك يافندم

الاخر: لا مش هينفع فى التليفون انا هابعتلك ناس تجيبك

بلاطة:تحت امر معاليك يافندم

اغلق خط الهاتف ووبالبلدى( بلاطة لمع نفسه ولبس احلى ما عنده) وفجأة انقطع النور ودخل رجال على الحاج بلاطة وهوب هوب كتفوه ونزلوا بيه

بلاطة فى العربية: ايه ياجماعة فى ايه؟؟

zoro_119
يرد عليه شخص ذو لحية كبيرة:انت فى امان اخى بلاطة

وصل بلاطة والاشخاص الى مكان مهجور ورموه فى مخزن صغير وابقو وجهه مغطى ثم يفتح الباب بعنف ويسمع بلاطة صوت( تفضل ايها لاامير)

الامير:اخ بلاطة نحن نعرف بامر الموعد مع (الاخر)-قالها بغمزة- نريدك ان تفجر نفسك فى الموقع الذى ستذهب اليه وستنال الشهادة

بلاطة افتكر فيلم السفارة فى العمارة: ياعالم انتوا مبتفهموش انا مش بلاطةةةةة


-------- فى نفس اللحظة وفى مكتب (الاخر) ----------


الاخر ضاحكا بخفة دمه المعهودة: هاهاهاهاهااا بس ايه رايك يا بلاطة فى المقلب ده

بلاطة: يلا خلى الامير بتاعهم ينفعهم اخدوا الواد زلطة ابن عمى

الاخر: ها خلينا فى المفيد بقى اخبار المستثمر الى هيشيل ابو الهول ايه؟؟؟

بلاطة: جاى يافندم جاى بعد بكرة يعين ويشوف ابو الهول

zoro_119
الاخر: تمام تمام

بلاطة: طب والاخ (غبى حواش) بيقوم بدوره؟ اعد فى التلفيزيونات يقول الاهرام وابو الهول اكبر من انهم يدخلوا فى عجايب الدنيا السبع اهو زى مانت عارف لان اللجنة لو دخلته هتشوف الاحتياطات بتعتنا عشان عملية البيع؟

الاخر: الله الله ايه النباهة دى؟

بلاطة: عيب عليك تلميذك يا باشا ثم رشف من فنجان القهوة واستكمل كلامه قائلا:بس انا ليا راى فى بيع الاهرامات ده

zoro_119
الاخر: ها سمعنى؟

بلاطة: اننا انبيع هرم هرم نبيع الاول الكبير بعدين الوسطانى بعدين الصغير عشان نكسب برضه

الاخر: امممممممممم طب ابقى اعد مع جيمى بقى وظبط معاه بيع المتحف المصرى

بلاطة: ليه يافندم انت تعبان ولا حاجة؟؟

الاخر: لا ياغبى مانت عارف هو الى هيمسك بعدى

بلاطة: ربنا يبارك فيك وفيه يافندم بس

وفى اثناء هذه الجلسة اذ يسمع صوت من الردهة قائلا ببرود: السلام عليكم ورحمة الله وبركاته

استدار بلاطة فجأة ولكن(الاخر) قال ببرود ايضا: وعليكم السلام يا شيخ طهطاوى

الشيخ طهطاوى: كيف حالك ياولى الامر اتمنى ان تكون بخير ........... وسلم على بلاطة

zoro_119
الاخر: تمام تمام يا شيخ وبعدين ايه داخل تقول السلام عليكم وبتاع ياراجل مفيش حد غريب ده بلاطة تبعنا خلاص

الشيخ:والله؟ طب حيث كده شفلى واحد ويسكى بقى

الاخر: لا مش وقته مش وقته عايزك تفضل شيخ شوية عشان متنساش الى هتقوله فى التلفيزيون وخطبة الجمعة

الشيخ:اذن ساظل شيخا لو عايزنى ابقى رقاصة ميهمكش

zoro_119
بلاطة فى هذة الاونة كان يشهد هذا ويستعجب قائلا فى نفسه: اشطة ع الشيخ الحلمنتيشى ده

الاخر: المهم ازاى هتبرر للناس بيع الاهرامات وابو الهول جهزت حاجة؟

الشيخ:انا اعمل على هذا ولكنى احضرت لك فتوى(لسه طالعة من الفرن يا عسل).... قالها الشيخ بغمزة للاخر

الاخر: ها سمعنى يا شيخنا

zoro_119
الشيخ:سنستغل ظلال الديمقراطية والحرية الى تنعم بها البلاد فى وجود سيادتك واقول ان حكومتنا الفاسدة الداااعرة تستغل الاهرامات والسياحة فى تحقيق مكاسب فئوية ويجب علينا ان نطيعهم فى ذلك وبهذا تكون اموال السياحة للشعب ونحن يجب علينا اطاعة ولى الامر

الاخر: بس دهغلط يا شيخ

يتدخل بلاطة فى الحوار قائلا: ايه يا ريس هو فى حاجة صح فى البلد دى ماكل الكلام الى بيتقال فشر هو الشعب عارف حاجة

zoro_119
الاخر: امممممممم على رايك المهم يا شيخ حاول تشوف فتوى تانية ومفيش مانع تستشير اخوك فى الله الشيخ...... مش فاكر اسمه الى هو( بتاع الرضاعة ده)

الشيخ: ا..... ثم قاطعه الاخر قائلا : اه وافتكر نعتقل الى كاتب الموضوع ده

الشيخ: هههههههههههههههه تحت امرك يافندم واستكمل قائلا..............................


نكمل فى يوم تانى بقى من ايام الحزب الواطى المطاطى



دمتم بود